Sadar..

Munjung kanu Agung..
Muja kanu Kawasa..
Muji kanu Maha suci..
Panutan anu mulya..
Muhammad jenengannana…

Ret kana hate..
Ragap kana awak..
Nilik kana diri..
Nu karasa ngan kuciwa..
Hirup dirungrung kabingung..
Kakurung ku kurang..
Nyaring teu nyari..
Ngedeng ngadon ngahuleng..
Ari hirup jeung nu leuwih..
Suwung kabingung taya kakurang..
Siang wengi tara anggang..
Usik milu usik..
Malik milu malik..
Tapi naha nu leuwih..
Bet jiga nu teu paduli..
Tapi naha nu taya kakurang..
Bet jiga nu taya kamelang..
Ka kuring ku teungteuingeun..
Teu ieuh daek ngaraeh..
Nyodorkeun leungeun pipuntangeun..

Koleang.. awak ngoleang..
Dibuntang banting diawang-awang..
Diteuleumkeun di sagara..
Digubragkeun di marcapada..
Dialungkeun ka mayapada..

Korejat kuring ngarenjag..
Sieun nu taya papadana..
Reuwas kareureuhnakeun..

Sadar geuning ayeuna mah..
Lain nu leuwih teu miasih..
Lain nu taya kakurang euweuh kamelang..
Lain teu nyodorkeun leungeun pipuntangeun..
Kuring geuning nu kurang ajrih..
Nu leuwih di luli-luli..
Nu Kawasa di saha-saha..
Nga-pilain nganggap deungeun..
Hirup digulung ku nafsu..
Ka baraya mikangewa..
Ka sasama deleka..
Ngajurung panglajur nafsu..
Badan anu katempuhan..
Ibadah di sangka-sangka..
SembahHyang ditunda-tunda..

Nilik kana diri..
Geunging nu cicing lain nu suci..
Nu cicing lain nu sajati..
Tapi dicicingan ku kurawa..
Bangsa buta jeung barhala..
Jati kasilih ku junti..

Duh Gusti maha suci..
Pamuntangan sarupaning perkara..
Mugi salawasna netepkeun hate abdi..
Dina tempat pa-netepan..
Pageuh muntang salawasna ka Anjeun..
Teu unggut kalinduan, teu gedag ka-anginan..
Sarupaning patekadan katut paripolah..
Muga sing salawasna..
Aya dina kasuka reujeung karidoan Anjeun..

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: